Pitutur Pinisepuh Jowo Tumuju Tekaning Dino

Rejeki iku ora iså ditiru….,
Senajan pådå lakumu,
Senajan pådå dodolanmu,
Senajan pådå nyambut gawému,

Hasil sing ditåmpå bakal bedå2….,
Iså bedå nèng akèhé båndhå,
Iså ugå ånå nèng Råså lan Ayemé ati,
Yåaa iku sing jenengé Bahagia….

Kabèh iku såkå tresnané Gusti kang Måhå Kuwåså…..,
Såpå temen bakal tinemu,
Såpå wani rekåså bakal gayuh mulyå.
Dudu akèhé, nanging berkahé kang ndadèkaké cukup lan nyukupi…..

Wis ginaris nèng takdiré menungså yèn åpå sing urip kuwi
Wis disangoni såkå sing kuwåså, dalan urip lan pangané
Wis cemepak cedhak
kåyå angin sing disedhot ben dinané….,
Nanging kadhang menungså sulap måtå lan peteng atiné,
Sing adoh såkå awaké
katon padhang cemlorot ngawé-awé,
Nanging sing cedhak nèng ngarepé lan dadi tanggung jawabé disiå-siå kåyå orå duwé gunå.

Rejeki iku wis cemepak såkå Gusti, ora bakal kurang
Anané kanggo nyukupi butuhé
Menungså såkå lair tekané pati….,
Nanging yèn kanggo nuruti karep menungså
sing ora ånå watesé, rasané kabèh cupet, nèng pikiran ruwet, lan atiné agawe bundhet.

Welingé wong tuwå,
åpå sing ånå dilakoni
lan åpå sing durung ånå
åjå diarep-arep,
semèlèhké atimu,
Yèn wis dadi duwèkmu bakal tinemu,
Yèn ora jatahmu, åpå maneh kok ngrebut såkå wong liyå nganggo cårå sing ålå
Yå dientèni waé,
Iku bakal gawé uripmu
lårå, rekåså lan angkårå murkå sak jeroning kaluwargå,
Kabeh iku bakal sirnå balik dadi sakmestiné.

Yèn umpåmå ayem iku
mung biså dituku karo akèhé båndhå
deknå rekasané dadi wong
sing ora duwé.
Untungé ayem isà diduwèni såpå waé sing gelem ngleremké atiné ing bab kadonyan,
Seneng tetulung marang liyan,
lan pasrahké
uripé marang GUSTI ALLAH Kang Maha Kuwoso..

2 thoughts on “Pitutur Pinisepuh Jowo Tumuju Tekaning Dino

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.